عضو مجلس الزمالك السابق يفتح النار على الاهلي ومسئوليه : جهل و غل .. الدورى ورث ابوكو ؟

شن هاني شكري عضو مجلس الزمالك السابق هجوما علي حالة الغليان الكبيرة لجمهور الاهلى ومسئولية بعد تتويج الزمالك ببطولة الدوري

مؤكدا ان هناك جهل وغل وسواد بعد تتويج الابيض بالدوري ، ولا يوجد روح رياضية علي عكس الزمالك

وكتب عبر حسابه الشخصي فيس بوك : مش مصدق الحاله اللى فيها الاهلاويه دى، ايه كم الغل و السواد و الجهل اللى انا شايفه ده؟ ليه كل ده؟ علشان اخذنا الدورى ؟! كسبتوا بطوله افريقيا باركنا لكم و رئيس الزمالك بعت لكم برقيه و قالكم مبروك ..

وواصل :ليه انتم ما عملتوش كده ليه ؟! علشان متعرفوش يعنى ايه رياضه. نكسب بطوله السله تروحوا تاخدوا المدرب باضعاف الفلوس اللى كنا بندفع له و يطلع عضو مجلس اداره ناديكم يكذب و يقول انكم لم تفاوضوه الا بعد ما ترك الزمالك ( يا كذابين).

واستطرد : ابراهيم عيسى يعمل حلقه يحكى تاريخ موثق تتهموه بالجهل!!! و اكثركم ثقافا عمره ما قرا فى حياته قد اللى قراه ابراهيم عيسى فى اسبوع ..

هاني شكري لجمهور الاهلي : الدورى ورث ابوكو !!؟

واضاف : هو الدورى ورث ابوكم .. بجد مش فاهم . الحمدلله على نعمه الزمالك .

واتم :ملحوظه: مش عيب تعرض نفسك على دكتور نفسى لو الحاله فضلت كده يومين كمان

source https://zamalek.news/2021/09/%d8%b9%d8%b6%d9%88-%d9%85%d8%ac%d9%84%d8%b3-%d8%a7%d9%84%d8%b2%d9%85%d8%a7%d9%84%d9%83-%d8%a7%d9%84%d8%b3%d8%a7%d8%a8%d9%82-%d9%8a%d9%81%d8%aa%d8%ad-%d8%a7%d9%84%d9%86%d8%a7%d8%b1-%d8%b9%d9%84%d9%89/