سخر خالد الغندور مقدم برنامج زملكاوي عبر قناة الزمالك من تعاقد مع سلة الاهلي مع الاسباني اوجستي بوش مدرب سلة الزمالك السابق ، مؤكدا انه اذا حقق مع الاحمر كأس مصر سيكون انجاز
وقال : اوجستي رفض يجدد مع الزمالك وممكن هو فكر ان الافضل له الاهلي وقال لما اروح فرقه صفر بطولات ومحققتش اي حاجه ولو راح مع الاهلي و اخد كاس مصر يبقى انجاز انما لو فضل مع الزمالك وهو اخد معه بطولتين افريقيا والدوري هيبقى منجحش
واشار : بالاضافة للاغراءات الماليه اللي اتعرضت عليه من الاهلي هيدفعوا لك 5 وهنعرض عليك 20 ، هو معرفش ينتصر عليك فى الملعب فينتصر عليك في صفقة او مدرب طالع انت به السما
وواصل : عندنا ناس بتعرف تستقطب لعيبة مميزة ، ووالتر هودج مش جاي الزمالك والنسبة الاكبر جاي الاهلي وهيطلع يقولك مليش دعوة احنا كلمنا وقولنا يا والتر تعالى اوجستي حبيبك عندنا ، هتسمعوا الكلام ده قريب
وشدد : احنا في سبيلنا للتعاقد مع اجنبي كويس ممكن اللاعب اللي كان من كوت ديفوار ولعب معنا في افريقيا ، او المدرب له راي اخر ويختار اجنبي تاني
واتم : المدرب اليوناني عنده سي في اعلى من اوجستي اه اوجستي كويس ومدرب جيد ومش معنى انه راح الاهلي هقطع فيه
source https://zamalek.news/2021/07/%d8%a7%d9%84%d8%ba%d9%86%d8%af%d9%88%d8%b1-%d9%8a%d8%b3%d8%ae%d8%b1-%d9%85%d9%86-%d8%aa%d8%b9%d8%a7%d9%82%d8%af-%d8%a7%d9%84%d8%a3%d9%87%d9%84%d9%8a-%d9%85%d8%b9-%d8%a7%d9%88%d8%ac%d8%b3%d8%aa%d9%89/
إرسال تعليق