اكد محمد ابوالعلا مقدم برنامج زملكاوي عبر قناة الزمالك ان المشجعين المحتجزين من الزمالك في استقبال فريق سلة جمهور مسالم وليس لديه غرض والفرحة هي من حركته
حيث قال ابو العلا : كان في بعض الجماهير اللي راحت مطار القاهرة لاستقبال فريق السلة وللاسف نتيجة عدم السماح بوجود تجمعات تم القبض على البعض وكنت مهموم بها
واشار : عرفنا النهارده ان اللجنة بعتت لجنة قانونيه للوصول لحلول واخدوا وعد من الجهات الامنيه انه هيتم الافراج عن بعض المحتجزين
واستكمل : هم جماهير مسالمة ومحركهاش غير فرحتها ، الجمهور من فرحته كان حابب يعبر عنها وعلشان الزمالك حقق بطولة غير عاديه ففرحتها كانت كبيرة فغصب عن الجماهير نسيوا ان في اجراءات احترازيه
واستطرد : وهناك روح قانون نبص عليها ونقول انهم رايحين يفرحوا مش رايحين يعملوا مشكله، بحذر ان ممكن حد يلعب علي تقسيم الجماهير لان كلهم ناس هدفهم واحد وهو الزمالك
واتم : ومحدش يتاجر بالقضايا وبالمحتجزين وهنتابعهم لحين الافراج عنهم خلال ساعات سيتم حل الامر
source https://zamalek.news/2021/06/%d8%b1%d8%b3%d8%a7%d9%84%d8%a9-%d9%85%d9%86-%d9%85%d8%ad%d9%85%d8%af-%d8%a7%d8%a8%d9%88%d8%a7%d9%84%d8%b9%d9%84%d8%a7-%d8%a8%d8%b9%d8%af-%d8%ad%d8%ac%d8%b2-%d8%b9%d8%af%d8%af-%d9%85%d9%86-%d9%85%d8%b4/
إرسال تعليق