مصر المقاصة يكشف تفاصيل أزمة عدم إذاعة مباراة الزمالك

اكد بكري سليم المدير التنفيذي لمصر المقاصة ان ازمة النادي مع بريزبنتيشن تمكن في عدم الحصول علي المستحقات المالية

حيث قال بكري سليم : في متأخرات لمصر المقاصه لدى برزنتيشن حوالي 12 ونصف مليون جنيه واحنا في امس الحاجه لها ومش مقصود بها نادي الزمالك الحبيب

وواصل : ولكن الناس اللي بايعين منتجاتهم لبرزنتشين وفى اعلانات ماليه الملعب ومبيدفعوش المستحقات فبنقولهم عاوزين حقوقنا

واشار : مجلس الادارة قرر عدم اذاعة المباريات المتبقيه للمقاصة الا اذا تدفع المستحقات ومش قاصدين اننا منذعش المبارة لاي سبب غير اننا نحصل على مستحقاتنا

واتم : مجلس الادارة بيدي وعود للاعبيه وبنعملهم شيكات اجله لان الشركة الراعيه هتبعت فلوس وهياخدوا فلوس موقف في منتهى الاحراج لما اللاعب بيروح يصرف الشيك وميكونش في رصيد ، مستحقاتنا لدى برزنتيشن من الموسم الماضي

source https://zamalek.news/2021/06/%d9%85%d8%b5%d8%b1-%d8%a7%d9%84%d9%85%d9%82%d8%a7%d8%b5%d8%a9-%d9%8a%d9%83%d8%b4%d9%81-%d8%aa%d9%81%d8%a7%d8%b5%d9%8a%d9%84-%d8%a3%d8%b2%d9%85%d8%a9-%d8%b9%d8%af%d9%85-%d8%a5%d8%b0%d8%a7%d8%b9%d8%a9/