اكد عمرو الدردير المتحدث الرسمى بإسم لجنة الزمالك ان لجنة الزمالك اتخذت موقف في مباراة القمة وكانت ترفض خوض اللقاء بسبب جمهور الاهلي المتواجد ولكن تم الضغط عليها وتراجعت
حيث قال عمروالدردير : جمهور الزمالك كتر خيره واتحاد الكرة بياخد قرارات بتوازنات واخر قرارات عمل عقوبات متوازنه وفي حق للزمالك ، دي مش كرة ولا لوائح
واشار : انا مندهش من اتحاد الكرة بيقول الزمالك ليه معترضش قبل المباراة ، ده محصلش الزمالك قال مش هنخوض المباراة الا بعد خروج الجماهير ونزل المستشار هشام ابراهيم وتوجه لمدير الامن وقاله مش هنبدا المباراة واللواء سامي قال لمراقب المباراة لازم العدد يخرج ومش هنلعب
واشار : لكن ضغطوا علي الزمالك و المراقب قاله هنكتب ده في تقريري مينفعش متبدأش ، وتم الضغط بشكل كبير وقالهم دي مباراة قمة ومجلس الادارة رضخ
واستكمل : تصريح احمد مجاهد انه كان لازم الزمالك يعترض قبلها بيعطي اي نادي الحق انه ميلعبش
ده تصريح غير مسئول انت بتمارس عليه ضغوط وانا هسجل في تقريري وهناخد قرارات وتضحك عليه وتقولي مكتبتش طب انت بتديني فرصة ملعبش واصر
واتم : مراقب المباراة الحاجات اللي شايفها له على السوشيال ميديا لوصحيح ده كارثة لانك جايب واحد غير محايد
source https://zamalek.news/2021/05/%d8%b9%d9%85%d8%b1%d9%88-%d8%a7%d9%84%d8%af%d8%b1%d8%af%d9%8a%d8%b1-%d9%8a%d9%83%d8%b4%d9%81-%d9%85%d9%81%d8%a7%d8%ac%d8%a3%d8%a9-%d9%84%d9%84%d8%ac%d9%86%d8%a9-%d8%a7%d9%84%d8%b2%d9%85%d8%a7%d9%84/
إرسال تعليق