عصام سالم يكشف رد غير متوقع من فرجاني ساسي علي وكيله بعد حديثه عن عروض رحيله عن الزمالك

اكد عصام سالم المتحدث الرسمي بإسم نادي الزمالك ان التونسي فرجاني ساسي يتمسك بالبقاء داخل جدران الابيض وينتظر حسم ملف التجديد ، مشيرا الي ان وكيله قال ان اللاعب لديه عروض للرحيل ولكن اللاعب كان رده انه يرفض مناقشة او معرفة اى عرض قبل انهاء مفاوضاتها مع الزمالك

حيث قال سالم عبر قناة الزمالك :ساسي اللي شاغل الناس والادارة حريصه للبقاء على ساسي وهو قيمة كبيرة وتصرفاته والناس بتحبه وكان بيعطي مكافآت للناشئين ودفع ال 10 الاف جنيه لمنتخب الشباب بتونس وعنده حس عالي اوي وده اللي حبب الناس فيه

وواصل : ومره اتسأل انت منين قال انا من 100 عقبة وفي النهاية ده احتراف وهنبذل اقصى جهد لتوفير المقابل وهو يقدر الظروف، وجالي رسايل ان مش هنرضى عنكم الا لما تجددوا لساسي، وخلال الفترة الجاية نأمن المقابل المالي ونجددله

وتابع : وكيله مهند عون بيقول ف عروض وهو بيقول مش عاوز اسمع عروض لحد ما الزمالك يخلص وهو بيقول الاولوية للزمالك ومتفائلين خير وينتهي بالنهاية السعيدة

وتطرق  : الادارة تفعل كل ما لديها من اجل الفريق وتم توفير طائرة خاصة للبعثة وبرئاسة عماد عبدالعزيز وده معناه دعم كامل ويعطي للسفريه ثقل ورساله للجماهير ان احنا ف ظهركم وهو رايح ادغال افريقيا مش رايح تونس ولا المغرب

 

source https://zamalek.news/2021/02/%d8%b9%d8%b5%d8%a7%d9%85-%d8%b3%d8%a7%d9%84%d9%85-%d9%8a%d9%83%d8%b4%d9%81-%d8%b1%d8%af-%d8%ba%d9%8a%d8%b1-%d9%85%d8%aa%d9%88%d9%82%d8%b9-%d9%85%d9%86-%d9%81%d8%b1%d8%ac%d8%a7%d9%86%d9%8a-%d8%b3%d8%a7/