كشف حازم إمام نجم نادي الزمالك أنه يتمنى وجود عدد من نجوم الدوري العام داخل نادي الزمالك وعلى رأسهم رمضان صحبي وعلى معلول.
وقال “حازم” : “استغربت لرحيل رمضان صبحي لبيراميدز لان في ناس مينفعش تلعب بره الزمالك والأهلي زي شيكا وأحمد فتحي”.
وأشار :”اتمنى تواجد رمضان معانا في الزمالك وعلي معلول والسولية ومحمد الشناوي ومش معنى اني بقول الأسماء دي ان الموجودين عندنا وحشين لا طبعا”
ووجه “الغندور” رسالة خاصة لجمهور نادي الزمالك قائلا :”جماهير الزمالك عاوز اقولهم الفرقة اللي اتكونت وساندوها موجوده زي ماهي والشائعات دي متبصوش ليها وهنموت نفسنا علشان نفرحكم وانتم في ضهرنا في الوحش قبل الحلو وإن شاء الله تفضلوا معانا وهنفرحكم”.
وأضاف ” حازم” خلال استضافته في برنامج “اللعيب” مع الإعلامي ” مهيب عبد الهادي” :” أول لما جه عبد الحليم علي وأشرف قاسم وأيمن يونس دوروا على السلبيات علشان يعالجوها.
وتابع :” هما أسامي كبيرة في الكرة وأول حاجه اتكلموا فيها تجديد العقود ودورا ع المشاكل عشان يحلوها والإستقرار وفروة وكان لنا مستحقات متأخرة صرفوها بنتمنى انهم يفضلوا قافلين علينا ويحاربوا كل الشائعات وعلشان نفضل ننافس
وأتم :”اتمنى الزمالك انه يكون مستقر والناس تساندنا ومحدش يدوس علينا وناخد بطولة افريقيا علشان نعوض الجمهور وكل حاجه حلوة للزمالك”.
source https://zamalek.news/2020/12/%d8%ad%d8%a7%d8%b2%d9%85-%d8%a5%d9%85%d8%a7%d9%85-%d8%a7%d8%aa%d9%85%d9%86%d9%89-%d8%a7%d9%86%d8%b6%d9%85%d8%a7%d9%85-%d9%87%d8%a4%d9%84%d8%a7%d8%a1-%d8%a7%d9%84%d9%84%d8%a7%d8%b9%d8%a8%d9%8a%d9%86/
إرسال تعليق