أكد أحمد زيزو نجم نادي الزمالك ان اللاعبين تعاهدوا على الفوز في المباريات المقبلة و تحقيق بطولة الدوري و افريقيا للموسم المقبل.
و قال زيزو في تصريحات تلفزيونية: جمهور الزمالك بعض منهم متفائل والاخر متشائم ، طيب المتشائم ده ليه علشان خسرت افريقيا وعندك لاعبيه جيده وجهاز فني محترم.
و واصل : مع احترامي لمرتضى منصور وامير الا ان الناس اللي في النادي دلوقتي واصل لنا حبهم للزمالك وكابتن عبدالحليم واصل لنا حبه وكلامه عن الجماهير.
و تابع : ايمن يونس قعدت معاه كتير وبيحب الزمالك جدا وبرده اشرف قاسم رغم قلة كلامه ، لكن كلهم موصلين لنا حبهم للزمالك
و واصل: عندنا لاعبين مميزين في كل المراكز ولانحتاج لاي صفقات وحميد احداد راجع بقوة وثقه وتحسه لاعب مختلف
و اضاف : لما سمعنا ان في لاعب جيد كلمت نفسي وقولت هو هيلعب مكان مين ، قولت هو لاعب 10 هيلعب على اوباما ولا شيكا لما تيجي تجيب لاعب لازم يكون افضل من اللي عندك
و تابع: الزمالك خسر الدوري الموسم الماضي في مباريات كان متوقع الفوز بها
و اتم حديثه قائلاً : بنوعد الجمهور بتحقيق الدوري وافريقيا وعندنا 7 مباريات نار ولاعيبه الزمالك بنعرف تتعامل مع المباريات الكبيرة ،واللعيبة اتكلمت بينها وبين بعض واتفقنا انه مينفعش،نخسر في مباريات سهله نظريا و لازم نهتم بكل المباريات من الاول للاخر
source https://zamalek.news/2020/12/%d8%b2%d9%8a%d8%b2%d9%88-%d9%85%d8%b9-%d8%a5%d8%ad%d8%aa%d8%b1%d8%a7%d9%85%d9%8a-%d9%84%d9%85%d8%b1%d8%aa%d8%b6%d9%89-%d9%85%d9%86%d8%b5%d9%88%d8%b1-%d9%88-%d8%a3%d9%85%d9%8a%d8%b1-%d8%8c%d8%8c/
إرسال تعليق