اكد احمد الكاس نجم الزمالك السابق انه رحل عن الزمالك بسبب ظروف النادي لتغير الاجيال وصعوبة التعامل مع المدرب كرول، بجانب مرض والده
وقال احمد الكاس : انضميت للزمالك علشان بحبه وسيبته علشان بحبه الامور كانت صعبه والاجيال اتغيرت وكان كرول صعب شويه
واشار : والاهم من ده كله ان مش هقدر اقدم بالصورة اللي جماهير الزمالك تحبني عليها بالاضافة لمرض والدي وكان لازم اتواجد بجواره بالاسكندريه
وواصل : ورغم جالي عروض من اندية الدوري رجعت الاوليمبي في الدرجة التانيه، انا بعشق الكرة وبلعبها للمتعه وبلعب لدلوقتي مع زمايلي
واستمر : اختيارات المدربين للانديه مش مبنيه على الكفاءة مبنيه على المصالح وكل الاندية متسكنه وعارف ومتأكد ان ربنا مقدرلي ده والمكان الموجود فيه ودربت ابوقير للاسمده 10 سنين
واستكمل :كابتن صالح سليم قابلني وكنت لسه صغير في سنة 86 وقالي مبنزلش لاي حد وعلشان عارف انك ولد كويس ولاعب كويس نزلتلك
واتم : وكنت لسه صغير وفرحان ان كابتن صالح سليم بقيمته وكانت قاعده خاصه ، ومعرفش ايه اللي تم وكملت في الاوليمي ومسالتش ايه سبب عدم انتقالي للاهلي
source https://zamalek.news/2021/08/%d8%a7%d9%84%d9%83%d8%a7%d8%b3-%d9%8a%d9%83%d8%b4%d9%81-%d8%b3%d8%a8%d8%a8-%d8%b1%d8%ad%d9%8a%d9%84%d9%87-%d8%b9%d9%86-%d8%a7%d9%84%d8%b2%d9%85%d8%a7%d9%84%d9%83-%d9%82%d8%a8%d9%84-%d8%a7%d9%84%d8%a5/
إرسال تعليق