اكد محمد ابو العلا مقدم برنامج زملكاوي عبر قناة الزمالك انه لا يفضل الحديث عن المنافس ولكن سيرد علي مسئول بالفريق تحدث عن مجاملة اتحاد الكرة للزمالك
واضاف ان هذا المسئول تناسي ان هناك مجاملات واضحه من اتحاد الكرة لفريقه سواء من تغير مواعيد مباريات وملاعب ، والان يتعامل يمبدأ بص العصفورة لالهاء الزمالك
حيث قال : احنا مش من هواة الكلام عن المنافس لكن الامور بتاخدك لما مسئول في المنافس يتكلم عن نقل ماتش المحلة لاستاد الاسكندرية وطلب الزمالك تأجيل ماتش اسوان في الكاس ، انت اتكلم عن ناديك زي مانا بكلم عن ناديه وحقوقه استغربت من تصريحات مسئول في المنافس ، وان الزمالك مش مضغوط زيه
واشار : يعني انا بعد مالعبت مباريات كتير اوي وقعدتني فتره طويله راحة كانها بين موسمين ، وقولت انا هلعب في وقت الاوليمبياد والناس شكرتك علي ده
واستكمل :في نغمة غريبه بالضغط على الحكام واتحاد الكرة وكل عناصر اللعبة لتحقيق غرض معين ولما تكلم ان الزمالك مش مضغوط وان الزمالك هيلعب مع المحله فى اسكندريه وازاي ميلعبش ماتش اسوان
وتابع : هل من العقل العب دور ال4 واستنى اللي هيلعبوا في دورال16 ، ده كلام مش ف محله لا المنطق ولاالحجة والدليل وتكافؤ الفرص
وشدد : هل يعقل ان العب 7 ماتشات زياده عنك و انت اللي طلبت تلعب في وقت الاولمبياد ويتأجلك ماتشات ، ولما تحس ان المنافسه في الملعب بتاخدنا لبره الملعب ، لغة غريبه مش هنلعب الا لما الزمالك يلعب ماتش اسوان
واتم : هل المفروض الاهلي يقول مش هلعب الا لما الزمالك يلعب ، انا شايف منطق انه بيكلم شايف العصفورة وكلنا نبص عليها وتشغلنا ، الحقوا ياجماعه الزمالك مش هيلعب ماتش اسوان، ميصحش هذا الكلام ، خصوصا انك صاحب النصيب الاكبر من المجالات بتفصيل المباريات والمواعيد والملاعب
source https://zamalek.news/2021/07/%d8%a7%d8%a8%d9%88%d8%a7%d9%84%d8%b9%d9%84%d8%a7-%d9%8a%d9%81%d8%aa%d8%ad-%d8%a7%d9%84%d9%86%d8%a7%d8%b1-%d8%b9%d9%84%d9%8a-%d8%b3%d9%8a%d8%af-%d8%b9%d8%a8%d8%af%d8%a7%d9%84%d8%ad%d9%81%d9%8a%d8%b8/
إرسال تعليق