عمرو الدردير يكشف عن نادي فرجاني ساسي الجديد

 

اكد عمرو الدردير المتحدث الرسمي باسم نادي الزمالك ان التونسي الدولي فرجاني ساسي لاعب خط وسط الزمالك كان قد انهي كل شئ قبل السفر الي تونس للانتقال الى الدحيل القطري

حيث قال : اكيد ساسي كان مرتب اموره قبل السفر لتونس لانه رفض يقابل اي مسئول في الزمالك قبل السفر لانه كان متفق مع الدحيل

واشار عمرو الدردير : الطريقه اللي مشي بها ساسي محدش راضي عنها لا جماهير ولا ادارة هو لاعب مهم وكان لازم يكمل الموسم

واضاف : ومينفعش بكل اللي عمله مع الزمالك واللي جمهور عمله معه ده الجمهور شجع تونس في امم افريقيا علشانه وشجعه في الكونفيدراليه وهو مصاب مبيلعبش

وواصل : الجمهور دفعوا تمن كبير اوي فى تشجيعه لكن هو يمشي في الوقت الحساس ده وقبل نهاية الموسم ورصيده نفذ عند الجمهور والادارة رغم رصيده الكبير

واتم : والادارة عملت المستحيل علشان تقعد معه لكن كان ودن من طين وودن من عجين وتركنا في وقت مهم وحاسم في بطولتين مهمين للزمالك

source https://zamalek.news/2021/07/%d8%b9%d9%85%d8%b1%d9%88-%d8%a7%d9%84%d8%af%d8%b1%d8%af%d9%8a%d8%b1-%d9%8a%d9%83%d8%b4%d9%81-%d8%b9%d9%86-%d9%86%d8%a7%d8%af%d9%8a-%d9%81%d8%b1%d8%ac%d8%a7%d9%86%d9%8a-%d8%b3%d8%a7%d8%b3%d9%8a-%d8%a7/