تحدث محمد محسن لاعب طائرة النادي الأهلي المنتقل حديثًا إلى صفوف النادي الأحمر من نادي الزمالك، عن أسباب رحيله عن الزمالك و انتقاله للأهلي.
وأعلن النادي الأهلي أمس الأربعاء عن تعاقده مع محمد محسن لاعب فريق الطائرة بنادي الزمالك السابق في صفقة انتقال حر.
وقال ” محسن” : “الموضوع بالنسبالي نفسي ومادي في نفس الوقت، وفيه مشاكل في فريق الطائرة في الزمالك بقالها 5 سنين، وفريق يد الزمالك غير فريق الطائرة اللى فيه مشاكل”
وأشار :” فيه انقسامات في فريق الطائرة، والواحد مش بيكون مركز في اللعب بس، والواحد لازم يكون حواليه استقرار علشان يعرف بشكل كويس”.
وأضاف ” محسن” في تصريحات لبرنامج ” اللعيب” على قناة ” إم بي سي مصر” :”انا عندى 26 سنه والواحد كبر في السن، ومن حقه يأمن مستقبله، واقسم بالله لو انا كنت مضيت في الزمالك كنت هاخد اكتر من اللى باخده في الأهلي”.
وتابع :” في الزمالك ممكن يقولك هتاخد 5 قروش بس مش هتاخدها، لكن الأهلي لو قالك هتاخد قرش انت عارف ان آخر الموسم القرش ده هيكون عندك”.
وكشف ” محسن” مفاجأة جديدة حول توقيعة للأهلي قائلا :” كنت ماضى للنادي الأهلي قبل نهائي الفريقين في الكأس بشهرين أو تلاتة وكنت بلعب بغل مع الزمالك علشان نفوز على الأهلى”
شاهد:
source https://zamalek.news/2021/06/%d9%85%d8%ad%d9%85%d8%af-%d9%85%d8%ad%d8%b3%d9%86-%d9%8a%d9%81%d8%ac%d8%b1-%d9%85%d9%81%d8%a7%d8%ac%d8%a3%d8%a9-%d8%b9%d9%86-%d8%a7%d9%86%d8%aa%d9%82%d8%a7%d9%84%d9%87-%d9%85%d9%86-%d8%b7%d8%a7%d8%a6/
إرسال تعليق