رسالة ناريه من خالد الغندور لمجلس الزمالك بعد خسارة دوري الطائرة امام الأهلى

اكد خالد الغندور مقدم برنامج زملكاوي عبر قناة الزمالك ان الاهلي لديه عدد من اللاعبين المميزين في كرة الطائرة وهذا سر تفوقه امام الاهلي

واشار الي ان الاحمر لديهم ثنائي محترف بينما كل لاعبي الابيض محليين ، موجها رسالة لمجلس الزمالك برحيل محمد اللقاني مدرب الفريق والتعاقد مع مدرب اجنبي

حيث قال خالد الغندور :  جماهير الزمالك العظيم متواجد الان فى مطار القاهرة لاستقبال فريق السلة ، ومعندناش مشكله مع المكسب والخسارة فريق الطائرة فيه لعيبة مميزة ومفيش محترفين وكان في محترف دون المستوى ومشي

واشار : الاهلي عنده 2 محترفين احنا لعبنا من غير ولا محترف والاهلي عنده لعيبة مميزة منهم احمد صلاح وعبدالله عبدالسلام وهم لعيبة منتخب مبروك للاهلي هارد لك لفرقتنا وقولت ان فى المباريات التقيله بيختفوا

واستطرد : علي ارض الواقع احنا خسرنا ماتشين وهم ماتشين المباريات اللي بيني وبينك خسرناهم في الدور الاول وال2 وفي نهائي افريقيا

واستطرد ‘ جمهور الزمالك زعلان جدا لان مبيحس ان فيه قتال ، هي دي الرياضه مكسب وخسارة اتمنى اللجنة المؤقته تحل المشاكل ومينفعش ان المنافس عنده 2 محترفين وانا معنديش

واتم : كابتن اللقاني بيدرب الفريق وممكن تستعين بمدرب اجنبي لان الجمهور زعلان من الاداء اكتر من النتيجة

 

source https://zamalek.news/2021/06/%d8%b1%d8%b3%d8%a7%d9%84%d8%a9-%d9%86%d8%a7%d8%b1%d9%8a%d9%87-%d9%85%d9%86-%d8%ae%d8%a7%d9%84%d8%af-%d8%a7%d9%84%d8%ba%d9%86%d8%af%d9%88%d8%b1-%d9%84%d9%85%d8%ac%d9%84%d8%b3-%d8%a7%d9%84%d8%b2%d9%85/