أكد حسين السيد حارس مرمى الزمالك السابق أن على مصطفى محمد التغير من عقليته خلال تواجده فى الدوري التركي من أجل النجاح في تجربة الاحتراف في صفوف جالطة سراي
وقال ” السيد” :”مصطفى محمد جالطة سراي هو بوابة لأوروبا ومينفعش أن يكون طموحه الدوري التركي، ولومغيرش شخصيته للشخصية الإحترفيه هيفشل زي لاعبيه كتير ولازم ينسى حياته بمصر ويعيش حياة الإحتراف”.
وأضاف ” السيد” خلال تصريحات لقناة ” الزمالك” :” انا شايف اننا جايبين لاعب مش هيشارك في أفريقيا ودي مشكله وترجع للمدرب وكل التحفظ على سيف الجزيري انه مش هيلعب في أفريقيا”.
وتابع :”انا مش متابع للدوري المصري غير الزمالك واتمنى من مروان حمدي أن يوصل لمستوى الزمالك وهو صغير”.
وواصل :”أيمن حفني شخص هادي ومحترم وخطوة كويسه من الإدارة أنها لبت رغبته وبتمنى له التوفيق”
وأكمل “السيد” :”تبريري ان اللعيبة كانت بتلعب بضغوط، خارج الملعب وانت بتلعب باستقرار خارج الملعب وكل واحد عارف ان هيلعب امتى وده سبب تصدرهم الدوري”.
وواصل :” باتشيكو مدرب عالي وعاوز يعمل حاجه ومش جاي ياكل عيش، وبيدور اللعيبة بشكل عالي وصعب اي مدرب يعملها وهو ناجح فيها”.
وأتم “السيد” :” حتة الانسجام محدش يضمنها ولازم يشوفه الأول في التدريب وهو هيبقى محسوب عليه لو دخلت الصفقات الجديدة من أول مباراة”.
source https://zamalek.news/2021/02/%d8%ad%d8%b3%d9%8a%d9%86-%d8%a7%d9%84%d8%b3%d9%8a%d8%af-%d9%86%d8%ac%d8%a7%d8%ad-%d8%a5%d8%ad%d8%aa%d8%b1%d8%a7%d9%81-%d9%85%d8%b5%d8%b7%d9%81%d9%89-%d9%85%d8%ad%d9%85%d8%af-%d9%85%d8%b1%d8%aa%d8%a8/
إرسال تعليق