أكد محمود جنش حارس مرمى نادي الزمالك أن لاعبو الفريق تعاهدوا على تحقيق البطولات هذا الموسم و الفوز ببطولة الدوري و أفريقيا .
و قال جنش في تصريحات تلفزيونية : السنة اللي فاتت ضيعنا حاجات كتير مننا ، و إتعلمنا ، و السنة دي نقدر نفوز بالدوري و نحقق البطولات .
و تابع : الزمالك يمتلك أفضل لاعبين في مصر ، و عندنا في كل المراكز لاعب و إتنين مستواهم متقارب و متميز .
محمود جنش: الزمالك يقدر ياخد الدوري السنة دي#اللعيب #MBCMASR
لو بتحب الكورة والرياضة تابع كواليس وأخبار الكورة المصرية مع اللعيب من هنا :https://t.co/z2hQNvx1Yz pic.twitter.com/97qwWLxMWQ— MBC مصر (@mbcmasr) February 12, 2021
و أشار أن لاعبو الزمالك يتعرضون للظلم دائماً و في مواقف كثيرة خلال الفترة الماضية أكدت هذا الكلام ، و هذه الأمور تعمل على فقدان التركيز .
و واصل : هاحكي عن واقعة في مباراة الإتحاد التي تم طردي و إيقافي فيها ، كان في خناقة بين محمود علاء و الهاني سليمان و كان كل واحد بيشتكيلي من التاني .
و تابع : هديت الأمور بينهم و قولت لـ محمود علاء خش جوه ، و انا واقف مع الهاني سليمان لاقيت العامل بتاع الإتحاد جاي يضربي بالرجل فطبيعي انا هاصد الضربة بتاعته فرفعت رجلي .
و أضاف : دخلت أوضة اللبس جوه عشان الأمور تهدي و مايحصلش مشاكل لإني بحب الإتحاد و جمهور الإتحاد ، فوجئت إن و أنا في أوضة اللبس الكابتن أيمن حافظ بيقولي يا جنش أنت إتطردت
و واصل : لحد دلوقتي انا مش عارف إتطرد ليه ، و إتوقفت ليه أصلاً و انا ماعملتش حاجة خالص .
و أتم : و خلال معسكر منتخب مصر لـ أمم أفريقيا ، الناس كلها و الإعلام كله بيتكلم إن الشناوي اللي هايلعب ، و كله عمال يقول شناوي شناوي شناوي ، و انا موجود ، و انا ماليش في جو السوشيال ميديا و الإعلام و الكلام ده .
جنش يكشف عن سر خطير في علاقته مع حراس مرمى الزمالك ،،، و رفض المشاركة في هذه المباراة | تعرف على التفاصيل
محمود جنش : جمهور الزمالك عندي في المرتبة الأولي ،،، و هذا موقفي من إحتراف مصطفي محمد
محمود جنش : انا ماعملتش فلوس من الزمالك لحد دلوقتي و عقدي كان فئة ثالثة ،،، و أهم حاجة عندي حب الجمهور
جنش يوضح أسباب عدم مشاركته في المباريات تحت قيادة باتشيكو
source https://zamalek.news/2021/02/%d8%ac%d9%86%d8%b4-%d8%a7%d9%84%d8%b3%d9%86%d8%a9-%d8%a7%d9%84%d9%84%d9%8a-%d9%81%d8%a7%d8%aa%d8%aa-%d8%b6%d9%8a%d8%b9%d9%86%d8%a7-%d8%ad%d8%a7%d8%ac%d8%a7%d8%aa-%d9%83%d8%aa%d9%8a%d8%b1-%d9%85/
إرسال تعليق