كشف وكيل اللاعبين ” نادر شوقي ” عن قدرته على التفاوض مع لاعبي الزمالك للاحتراف او الرحيل للخليج في وجود مرتضى منصور في الزمالك.
وقال نادر شوقي مع الاعلامي ابراهيم فايق : مرتضى منصور لو موجود حاليا كان هيبقى الوضع اسهل لاني كنت بتعامل مع امير مرتضى بسهوله.
واضاف : كان في عرض سابقا لمصطفى محمد في الدرجة التانيه الاسبانبة وعرضته عليهم واترفض عادي بمنتهى الهدوء.
وتابع : مرتضى وافق على رحيل محمد عبدالشافي ومحمود كهربا وطلعهم بمبالغ كويسه وخرجوا في وقت الزمالك واقف على رجيله.
وعلق وكيل اللاعبين ” نادر شوقي ” عن حقيقه تفاوضه مع احمد السيد زيزو لانتقاله الي النادي الأهلي عن طريق ” كوبري ” في احد الانديه الخليجيه.
وقال نادر شوقي : هل انا شخص غبي لكي اظهر و أذهب الي الزمالك واتفاوض من اجل احمد السيد زيزو وهو ليس هناك عرض او اخده وبعدين اوديه الاهلي ده يبقى سذاجة وبجاحه.
وتابع نادر شوقي : ايوه طبعا في عرض للاعب فعلا ومش محتاج اظهره في الإعلام عشان أثبت كلامي وهل لو اظهرته جمهور الزمالك هيوافق على رحيله!.
وواصل : القصة بدأت انه كان في تواصل بين الناديين وكان معايا تفويض ودخلت الزمالك وده بعد ما النادي بعت ايميل من اسبوعين دخلت بعد العرض ما كان موجود في الزمالك.
واضاف : لما نادي بيديك تفويض مش المفروض تتفاوض معاه وتروح تقولهم عاوزين كام وايه المشكله وكان في عرض ببدا من 2 مليون ووصل لـ2 ونص يورو ومن حقك ترفض لكن متقولش مفيش.
وأكمل : هدخل نادي الزمااك اعمل البلبلة دي ليه ؟ علشان احمد السيد زيزو انا معايا عرض للاعب مميز وبقدمه فقط لا غير.
وتابع : انا جايب لزيزو عرض في الخليج مين في الاهلي عاوز يمشي حاليا وهما هيلعبوا في كأس العالم للاندية وعقودهم اتجددت.
وواصل : كان في عرض لاحمد ياسر ريان اعارة في تركيا ولما اتناقشنا قولت هيشارك اكتر في سراميكا وعشان احافظ عليه والاهلي معرضوش علينا احنا اللي طلبنا.
واتم : هو انا هاخد لاعب غصب عنه واركبه الطيارة انت عرضت عرض مميز لزيزو يا توافق تبيعه او تجدد ليه برقم كويس او تبيعه بعدين بمبلغ اقل و معنديش اي مصلحة للعب زيزو في الاهلي ولو عملت كده وراح ورجع على الاهلي هكون دمرت حياته.
شاهد :
رد ناري من نادر شوقي لأول مرة على حقيقة وجود عرض لأحمد سيد زيزو من الإمارات #جمهور_التالتة#ONTime_Sports pic.twitter.com/NeESCRCy78
— OnTime Sports (@ONTimeSports) January 16, 2021
source https://zamalek.news/2021/01/%d9%86%d8%a7%d8%af%d8%b1-%d8%b4%d9%88%d9%82%d9%8a-%d9%8a%d8%b5%d8%b7%d8%af%d9%85-%d8%a5%d8%a8%d8%b1%d8%a7%d9%87%d9%8a%d9%85-%d9%81%d8%a7%d9%8a%d9%82-%d8%b9%d9%84%d9%89-%d8%a7%d9%84%d9%87%d9%88%d8%a7/
إرسال تعليق