ايمن حفنى يعلق علي حجز اوباما قميصه المفضل في الزمالك

علق ايمن حفني لاعب خط وسط الزمالك علي ارتداء يوسف اوباما القميص رقم 14 وهو قميصه المفضل في النادي قبل الرحيل ثم العودة في فترة الانتقالات الحالية

حيث قال ايمن حفني في تصريحات لقناة الزمالك : اوباما ماشي كويس برقم 14 وان شاء الله يستمر بيه وكابتن حازم امام كان سبب ارتدائي لهذا الرقم وانا بحب كابتن حازم جدا ومش يهمني الأرقام حاليا وجودي في الزمالك كافي

وتطرق : باتشيكو شخص محترم وكنت روحت النادي قبل مباراة الرجاء لدعم لفريق وقالي أنا سالت عليك وإن شاء الله نقدر نسعد جمهورنا

وأشار :”شيكا كان بيتواصل معايا باستمرار وداعم لي وقالي هتنهي مسيرتك في الزمالك وكابتن أيمن يونس هو اللي اقترح إن أرجع والكل رحب”.

وأضاف ” حفني” خلال استضافته في برنامج ” زملكاوي” على قناة ” الزمالك” تقديم محمد أبو العلا :” علاقتي بباتشيكو ممتازة وبيحبوا لعيبته جدا”.

وكشف ” حفني”:”انا بكره أول تدريب ليه مع الفريق وهو مرحب بوجودي وان شاء الله اقدر أساعدهم لو احتاجوني وهقعد مع باتشيكو بكره”.

وتابع : حلم حياتي انهي مسيرتي ولما مشيت كنت عاوز ارجع لمستوايا واعود للزمالك ومكنش في اعارات وخرجت بيع وجه تعب بنتي ويارب يشفيها وبشكر الجميع ع مساندتهم لي ف الازمة دي ودعاءهم لابنتي وخاصة جمهور الزمالك والاهلي

–

source https://zamalek.news/2021/01/%d8%a7%d9%8a%d9%85%d9%86-%d8%ad%d9%81%d9%86%d9%89-%d9%8a%d8%b9%d9%84%d9%82-%d8%b9%d9%84%d9%8a-%d8%ad%d8%ac%d8%b2-%d8%a7%d9%88%d8%a8%d8%a7%d9%85%d8%a7-%d9%82%d9%85%d9%8a%d8%b5%d9%87-%d8%a7%d9%84%d9%85/